1. Совет – Поставете изолација во  објектот

Топлинската изолација е клучен елемент за енергетска ефикасност и во голема мера допринесува за создавање на покомфорни услови за живеење. Топлинската изолација значително ги намалува топлинските загуби во зима и преревањето во лето. Со нејзина помош не доаѓа до мешање на ладниот и топлиот воздух. Изолацијата делува како бариера за топлинските загуби и добивки, особено на покривите, таваниците, ѕидовите и подовите. Помага во одржување на топол дом во зима и свеж дом во лето. Со поставување на камена волна или стиропор како изолација, во Вашиот објект се постигнува посакуваниот ефект.

 

2. Совет – Заменете ги дотраените прозорци

 Со замена на старите или дотраени прозорци во Вашиот дом, се спречува размена на топлиот и ладниот воздух помеѓу надворешноста и внатрешноста во просторијата. Со постигнување на тој херметички затворен простор, се добива подобра топлинска и звучна изолација. Сето ова допринесува до достигнување на посакуваната амбиентална температура, побрзо и поефикасно. Доколку поставите нови повеќекоморни прозорци со нискоемисионо термопан стакло, ќе заштедите и добиете поголема сигурност во Вашиот дом.

 

3. Совет – Kонстантно работење на системот за греење

Со непрекинато работење на системот на греење, се избегнува поголема потрошувчка која е присутна при секое палење-гасење во системот . Како резултат на ваквиот начин на работа, доаѓа до намалена потрошувачка на електрична енергија. Се препорачува да се вклучи уредот на почетокот на сезоната и да се ислкучи при крај на сезоната, а во меѓувреме само да се регулира температурата

4. Совет- Автоматско регулирање на работните часови на системот

 За да се избегне непотребно работење на системот, додека сте отсутни или пак спиете, автоматското регулирање како што е термостатот е идеално решение за тоа. Тој ја мери температурата на воздухот во просторијата и ја постигнува програмираната и бараната температура. Со набавување термостат за системот за греење има опција за вклучување на неделен и дневен тајмер. Ви обезбедува лесно инсталирање и брзо пуштање во работа.

 

5. Совет – Локална регулација на темепературата во секоја просторија

Овој совет е многу важен за да се исклучи системот автоматски кога ќе се постигне подесената температура, каде што нема да има потреба од тоа вие сами да мислите кога треба да се исклучи системот. Со поставување на  термостатски глави на секој радијатор кои штедат 20% од секој радијатор, ќе имате можност за  подесување на посакуваната температура во секоја посторија посебно.

Целта е намален број на работни саати каде што обезбедува максимална економичност, а во меѓувреме системот не работи кога нема потреба од тоа.

 

 

6. Совет – Не дозволувајте ширење на топлината во просториите во домот кои не се користат во даден момент

Овој совет е многу корисен заради задржување на топлината во собата во која е потребна. Со тоа обезбедуваме комфорт, затоплен и удобен простор за престојување. Целта е постигнување на посакувана амбиентална температура за пократок период, а истовремена и голема економичност.

Затварање на вратите во собите кои не се загреваат, би бил ефикасен начин како топлината да не избега и да остане таму каде што ви е потребна.

7. Совет – Регулирајте го притисокот во системот за греење

 Регулирање на притисокот во системот за греење е многу битна работа кога станува збор за заштеда на енергија. Со регулирање на притисокот, се намалува  повратната температура на вода во котелот и се заштедува на дополнителна потрошена енргија. Истовремено векот на траење на системот се зголемува .

Низ цевките протекува потребното количество на топла вода и тоа количество на вода оди и до најоддалечените грејни тела, онолку колку што е потребно. Со правилно подесување на притисокот греењето може поефикасно да се искористи, а оваа мерка може да доведе до заштеда на електрична енергија и до 20% на вашиот систем за греење. Одлично решение би било да одберете хидраулично балансирање на системот за греење со баланс вентили.