Како да ја поминете грејната сезона најевтино

Грејната сезона е во полн ек и сите кои се уште го немаат решено проблемот со што ќе се загрееваат оваа зима, целите се во прашалници. На нашата адреса постојано пристигнуаваат многу прашања во врска со греењето и тоа од стилот со што е најисплатливо да се греат. Пред да дојдеме до тој податок битно е да напоменеме дека за да се споредува еден систем за греење со друг, потребно е објектите да имаат иста изолација и приближно ист квалитет на позорците и вратите. Затоа што добрата изолација ја зголемува искористеноста на топлинската енергија за дури 30%.

Инаку за темава за која ќе зборуваме денеска располагаме со најсвежи и најточни информации од соседството. Во Србија пред извесен период е направена една анализа на пазарот со моменталните цени на енергенсите и колку се тоа би чинело за стан од 60 квадрати, односно колку пари би се потрошиле преку целата година со различни видови на греење.

Сега да започнеме со ред. Енергенс кој најмогу се користи за загревање на овие простори е дрвото. За големата застапеност има повеќе фактори, но најбитно е тоа што дрвото е многу лесно достапно и со цената е многу конкурентно во зависност од останатите грејни енергенси. За една грејна сезона доколку вашиот дом го загревате со помош на дрва, пресметано е дека би потрошиле околу 68 000 динари.

Општо познато е дека јагленот во глобала е покалоричен од дрвото, што во превод значи дека има поголема излезна топлинска моќ. Главен проблем околу греењето со јаглен е тоа што бараат посебни услови за складирање кои што повеќето од луѓето ги немаат. Но како и да е греењето со јаглен е поефтино отколку да се греете со дрва. За една грејна сезона се трошат околу 56 000 динари, доколку пак користите јаглен со многу голема калоричност како што е лигнитот ќе потрошите околу 48 000.

Во последен период доста е актуелна темата околу гасификацијата на нашата држава. Во некои градови веќе поголемите државни објекти (болници, градинки) се имаат приклучено на гасната мрежа. Но во глобала таа приказна уште не го добила својот крај, а како се движат работите ќе почекаме уште малку. Но како и да е греењето со помош на гас во светот е многу застапено и нашите соседи имаат пресметано дека за загревање на еден стан од 60 метри квадратни ќе се потроши околу 57 000 динари.

Иако цената на струјата постојано поскапува, голем дел од луѓето се греат на струја. Струјата нуди голем комфор, нема чистење на печките, нема ложење, не се потребни посебни простории за складирање на огревниот материјал и.т.н. Но поради цената полека но сигурно луѓето се повеќе почнуваат да го одбегнуваат овој извор на енергија кога станува збор за загревање на нашиот дом. По деталните пресметки кои се направени за еден стан од 60 метри квадратни во текот на грејната сезона ќе се потрошат околу 124 800 динари. Оваа пресметка е направена доколку станот се загрева со помош на електрични уреди како греалки, термо печки, котли на струја и.т.н. Доколку станот се загрева со помошна клима уред инвертер потрошувачката на струја би била многу помала.

Како што на сите ни е познато, греењето на нафта моментално е најскапо, но сепак има луѓе кои сеуште го користат овој енергенс како основен извор на топлина. Луѓето кои се одлучиле за оваа варијанта, годишно трошат околу 223 000 динари. Според овој податок, јасно е дека греењето на нафта можат да си го дозволат само оние со подлабок џеб.

Според анализата што е направена во Србија, едно од најисплатливите видови на греење е со помош на пелети. Греењето на пелети освен тоа што е еден од најефтините извори на топлина, ја олеснува работата со тоа што не е потребна дополнителна грижа околу котелот. Кога резервоарот за пелети ќе се наполни, вие само го дополнувате на секои 2-3 дена со што ви е овозможен комфор, односно има огромно олеснување со тоа што неморате по цел ден да обрнувате внимание на греењето. Кога ќе се земе во предвид ноќниот и дневниот режим на работа на котелот за пелети, би се потрошиле околу 52 000 динари за пелети годишно.

Доколку се уште се немате одлучено на што ќе се загревате оваа грејна сезона, се надеваме дека оваа анализа ќе ви помогне во вашиот избор.

Остави коментар

*