Енергијата од сончевото зрачење е најобилен, неисцрпен, бесплатен и обновлив извор на енергија, која не ја загадува околината. Токму поради овие предности се помасовно е инсталирањето на фотоволтаични системи, уреди за  конверзија на сончевата енргија во електрична. Разликуваме повеќе видови системи и тоа зависи од поврзувањето  на  објектот со мрежата,  како и  од опремата која е вкучена во целокупниот производ. Тука ќе стане збор за мрежен фотоволтаичен систем или On Grid систем.

Што е мрежен фотоволтаичен систем или ON GRID систем?

Фотоволтаичните системи поврзани за мрежа  работат паралелно со дистрибутивната мрежа. Во случај на недостaток на електрична енергија кај ON GRID системите истата се надополнува од мрежа. Главната цел е намалување на потрошувачката на електрична енергија од преносната мрежа, односно намалување на цената на сметките за струја. Мрежните системи се идеално решение за енергетска ефикасност за вашиот дом. Се димензионираат така да целата произведена електрична енергија  се потроши веднаш. Односно се поставува систем со инсталирана моќност која ќе ги напојува константните потрошувачи. Под констатни потрошувачи се подразбираат  оние електроенергетски уреди  кои работат поголем дел од денот.

Составни делови на ON GRID или мрежен фотоволтаичен систем

Како составен дел од системот е фотоволтаичен  панел, кој се добива при сериска/паралелна врска  на различен број на модули. Во самите  модули се врши конверзија на сончевата енергија во електрична. На излез од панелот се генерира еднонасочна енергија, која преку  инвертор се трансформира во наизменична. Така добиената електрична енергија се користи за  напојување на  соодветните потрошувачи. Се потенцира дека во опремата на предвидените ON GRID системи не се вклучени батерии. На следната слика е претставен токму еден ваков систем

Работа на ОN GRID или мрежен фотоволтаичен систем

Наједноставно работата на еден ON GRID систем може да се објасни со следниот приказ каде сликовито е објаснето производството во текот на денот од фотоволтаичниот систем, побарувачката и потрошувачката на конзумот                                               

Зошто да  инвестирате  во ОN GRID фотоволтаичен систем?

Овие системи  се соодветни за секој тип на стопански корисници, при услов дека објектот е поврзан кон електродистрибутивната мрежа. Токму преку ваков врзан фотоволтаичен систем за одреден временски период, во нашата земја, ќе може да се тргува со “зелена струја”.  Тоа би значело вишокот на електрична енергија која ќе се произведе, а нема да се искористи, се предава на мрежа или на лиценциран трговец. Потоа во зависност од  тоа за колку kW станува збор, се добива одреден надоместек, во зависност од откупната цена. Ова е иднината, во која може да инвестирате уште денес. Предностите и можностите се големи, а доколку се земе предвид и тргувањето со електрична енргија, така што инвесратиторот би бил “производител”, очигледна е исплатливоста на системот.

При првичните дилеми дали да се инвестира во ваков систем, треба да се има на ум дека овој систем трае цели 25 години без речиси никакви тековни трошоци за одржување на вашиот ON GRID систем.