На 09.05.2024 година по втор пат го оддржавме Partners Day. Настан кој е наменет и посветен најпрво за нашите долгогодишни партнери и соработници, а потоа за сите останати пријатели и клиенти. На овогодинешниот настан, присуствуваа гости и надвор од границите на нашата држава, имавме посетители од Италија, Грција, Србија, Словенија, Бугарија и други држави. 

Настанот го започнавме со интересни и едукативни презентации од страна на 10 светски и познати компании, како што се: Giacomini, Fondital, Galletti, Wilo, Aquatherm, Skyline, Mikoterm, Sunsystem, Siemens и Varmo. Паралелно низ просториите, имавме штандови со истите светски компании наменети за саем и промоција. Освен тоа, настанот беше посветен и за вмрежување, односно понатамошни соработки и можности. 

Во склоп на Partners Day, беше организирана и богата лотарија која што усреќи неколку добитници од присутните, кои се здобија со атрактивни награди. Исто така, беа доделени благодарници и подароци на нашите најдобри и најверни партнери. 

Вториот дел од денот, беше посветен на прослава по повод 21 година од нашето постоење. Славевме роденден, зачинет со богата музичка програма, вкусна храна, пијалоци, како и незаборавна дружба и забава. 

Уште еднаш јавно се заблагодаруваме на сите кои одвоија од нивното драгоцено време и беа дел од овој прекрасен настан. Благодариме за досегашните успешни соработки и се надеваме на уште многу поголеми успеси заедно.