Description

Касетен водовод од Giacomini

Елементи на касетен водовод неопходни при поставување во системот се:

• Метална касета со клуч

  Попозната како метална кутија која е неопходна при поставување на касетен водовод. Во неа се поставуваат модуларните колектори и истата може да биде во неколку димензии: 45×40, 45×50, 45×60 и 45×80 ( зависно бројот на модуларни колектори кои е потребно да се постават)

• Модуларните колектори R585M i R585T

  Колектори од  програмата на Giacomini  кои претставуваат енергетско ефикасно решение и гарантираат сигурност и квалитет во системот на водовод.  Тие се флексибилни во секоја изведба, можат да се надоврзуваат и заменуваат зависно потребата . Како едноставно решение во самата инсталација, дизајнирани се да се вклопуваат еден со друг идеално. Без потреба од дополнителна промена во протокот и притисокот. Модулите меѓусебно се поврзуваат така што машкиот навој на едниот модул се спојува со женскиот навој со другиот модул. За да се спојат меѓусебно модулите се ротираат за 90 степени.  Се додека машкиот навој на колекторот не навлезе во другиот колектор. На навојот има гумичка која го спречува евентуалното истекување на вода. Инаку со користењето на модуливе не само што заштедуваме на време, туку и заштедуваме и на материјал со тоа што не е потребен ниту тефлон, коноп и.т.н.

• Полиетиленското црево со антиоксигенска бариера R978

  Може да се користи за дистрибуција на вода во касетниот водовод. Благодарение на големата флексибилност на материјалот од кој е направено ова црево, се овозможува едноставна изведба и инсталација. Неговата предност  е во тоа што нема потреба од заварување и од поставување на механички спојки. Антиоксигенската бариера на цревото го маргинализира движењето на кислород од надвор, кон внатре во цевките

• Завршното колено за вода – единечно R573D и дупло R544

  Се монтира на крај од цревото, односно каде што треба да се приклучи чешмата од мијалникот, тушот, бидето и.т.н. Составено е од два дела: пластичен и метален дел . Пластичниот дел претставува еден вид заштита и преку него се прицврстува коленото на ѕидот. Метален дел се наоѓа внатре во пластичниот дел и на него од една страна се поврзува чешмата, а од другата страна со помош на полуспојка се инсталира цревото за вода. Ова завршно колено за вода ги има поминато сите светски испитувања за питка вода, каде ги има добиено најголемите признанија и има стекнато сертификат за питка вода.