Планирате да пазарите нов климатизер за Вашиот дом?

Во наредните неколку редици ќе прочитате неколку совети кој што ќе Ви помогнат за да изберете соодветен климатизер кој што е енергетски ефикасен, кој што е соодветен со климатските услови и да не биде премногу бучен.

Системите за климатизација (за греење и ладење – КГХ) учествуваат со околу 40-50% во вкупната потрошувачка на електричната енергија во Вашите домови. Од тие причини ефикасноста на овие системи претставуваат битен фактор кога се одлучувате да пазарете еден клима уред.

Што тоа КГХ?

КГХ е кратенка за климатизација, греење и ладење и е акроним за внатрешниот воздух. Така да доколку некој Ви спомнува за КГХ (проектантите или изведувачите) тие зборуваат за целосниот систем за воздухот во објектот.

Климатизери-клима уреди

Климатизерите можат да бидат класифицирани врз основ на различни параметри. Секако дека ефикасноста на климатизерите е најбитниот фактор во рангирањето на клима уредите.

Генерално постојат три битни фактори на кој што треба да внимавате кога се одлучувате за нов климатизер:

Ефикасност – Ефикасноста се однесува на енергија која што ќе биде потребна за нормално функционирање на клима уредот. Специјалистите за КГХ системи, ги користат SEER броевите кој што се користат за оценка и за споредба на различни системи за ладење.

SEER е кратенка за „Seasonal Energy Efficiency Rating“. Ова е стандардизиран тест и да не влегуваме премногу во детали, но правилото е: Што е овој број поголем тоа имаме поефикасен климатизер. Минималната ефикасност е 13 (порано беше 10) и се движи до 18. Кога купувате нов климатизер гледајте да овој број има минимална вредност 13 или поголем.

Регионална клима – Во процесот на проектирање на нови објекти, битно е да се знаат надворешните фактори кој што мораат да бидат земени во предвид. Не е исто да се проектира КГХ систем за Гевгелија или за Тетово.

Бучава – Интерниот звук е исто така битен како и звукот кој што доаѓа од надворешната единица на клима уредите кој што е поставен под (над) прозорецот од Вашата соба.

Кога ги познавате овие три елементи и Вашиот изведувач и продавачот на климатизерот може да ви препорача соодветен климатизер.

Колку голем треба да биде климатизерот?

Голем број на објекти имаат климатизери кој што се или премали или пак преголеми , што резултира со високи енергетски трошоци. Искористете ги овие совети кој што ќе Ви помогнат да пазарите онаков клима уред кој што ќе биде доволен за Вашиот дом:

Голем број на потенцијални корисници на климатизери мислат дека што е поголем клима уредот тоа подобро. Но тоа не е така. Не купувајте поголем климатизер само поради неговата големина. Пронајдете климатизер со соодветна големина и која што е навистина потребен на Вашиот дом.

Кои се факторите кој што имаат влијание на големината на климатизерите?

Постои неколку компоненти која што имаат влијание на правилно димензионирање на климатизерите:

• Географија
• Време на греење и ладење
• Прозорците

Постои голем број на расипувања на климатизерот, поточно на компресорот и на другите делови, кој што се поврзани со несоодветното димензионирање или со несоодветен избор и поставување на клима уред. Доколку го предимензионирате системот за климатизација, тој ќе работи во кратки, мали интервали. Бидејќи работи во такви кратки интервали, тој нема можност да го одвлекува воздухот од Вашиот дом.

Поставеност на објектот исто така има влијание на димензионирање на системот за ладење. Исто така и поставеноста на прозорците – дали тие се поставени на јужната или пак на северната страна?

Совет: Кога купувате клима уред, подобро е да изберете помал отколку поголем климатизер. Помалиот систем, можеби ќе работи почесто, но неговата работа ќе биде поефикасна. Поголемиот систем ќе чини повеќе и ќе биде неефикасен, ќе троши повеќе енергија а сето тоа ќе чини повеќе .