Мермерните радијатори, според многумина, се убедливо најевтиниот систем за греење. Дали досега сте имале можност да ги искористите? Доколку не сте, но размислувате дали мермерните радијатори се вистинскиот избор за вас, останете со нас до крајот на текстот бидејќи ги собравме сите важни информации кои можат да ви помогнат да ја донесете вистинската одлука.
Мермерни радијатори - природни, едноставни и квалитетни
Еколошката сигурност и природноста се некои од главните карактеристики кога се во прашање мермерните радијатори. И самите знаете дека луѓето отсекогаш користеле камен за различни намени, а кога откриле дека е можно да се поврзат две мермерни плочи со „кантал“ жица помеѓу и да се добие радијатор, се случи револуционерно откритие! О, да, така настанаа мермерните радијатори.
Освен што се најприроден начин за загревање на домот, мермерните радијатори се многу лесни за користење бидејќи ќе ви треба само еднофазен штекер од 220 V во кој ќе го приклучите радијаторот за брзо, лесно и квалитетно да добиете загреан дом. Нема потреба од котлара, цевководи, оџак, греење, вадење пепел... Всушност, губите се што може да ви биде голем проблем и напор околу греењето.
Кога станува збор за потрошувачката, максималната инсталирана моќност е само 1,4 kW (1400W), најмалата 0,4 kW (400W), што всушност ја претставува потрошувачката на само 4 сијалици со средна моќност! Затоа мермерните радијатори се сметаат за најевтин систем за греење.

Уште неколку предности
Електричните мермерни радијатори навистина го загреваат домот и создаваат топла, пријатна атмосфера. Топлината која зрачи рамномерно ги загрева ѕидовите, подот, но и вас кои сте во собата. Овој систем за греење зрачи топлина според принципот на сонцето, што значи дека е можно да се намали температурата од 22 на 20 ° C, со што се заштедува енергија за 20%.

Покрај пониските трошоци за греење, мермерните радијатори можат да се пофалат и со помали можности за алергија на прашина, со тоа што не го сушат воздухот, но и со тоа што естетски се вклопуваат во секој ентериер.


Топлинскиот капацитет на мермерните радијатори е 1-2 часа. Доколку ги користите со тајмер, можно е да постигнете уште помали трошоци за греење бидејќи би користеле ноќно, поевтино електрично греење. Со помош на термостат можете да ја контролирате температурата во просторијата, а поради сето горенаведено, мермерните радијатори се навистина економично решение доколку ја користите електричната енергија како извор на енергија. Доколку ви треба совет (и секако помош) во врска со изборот на вистинскиот систем за греење, слободно контактирајте не!