Можеби сеуште не сме подготвени да го испратиме летото , но сепак календарот веќе го покажува деветтиот месец од годината, кој што ни ја носи со себе есента. Грејната сезона што претстои бара однапред да се подготвите, за во ладните денови да се чувствувате пријатно во своите домови. Можеби веќе се прашувате што се можете да направите за вашиот дом да биде потопол во наредните месеци и евентуално да заштедите електрична енергија. Во продолжение ви даваме неколку корисни и едноставни совети со кои ќе ја воочите разликата.

Кога е во прашање греењето, најважно е околу вратите и прозорците да немате простор или дупки низ кои би можел топлиот воздух да излегува. Затоа е важно пред грејната сезона да проверите се што е потребно, за да можете на време да ги санирате евентуалните пукнатини. Освен вратите и прозорците, потребно е однапред да го проверите и кровот, таванот, оџакот и радијаторите и да инвестирате во поправки бидејќи таа инвестиција ќе ви исплати во студените месеци.

Доколку имате радијатори, на ѕидот позади нив можете да залепите алуминиумска фолија која ќе ја рефлектира топлината назад во просторијата и на тој начин ќе спречите евентуална загуба на топол воздух. Алуминиумската фолија не мора да ја залепите на ѕидот директно, туку можете да ја ставите на парче подебел картон кој ќе го ставите позади радјаторот, така што таа страна на која што е фолијата ќе биде свртена према радијаторот.

Ако имате камин, не е препорачливо да го користите кога температурите се екстремно ниски, бидејќи тој всушност го влече топлиот воздух од просторијата.

Наместо да ги промените прозорците, доколку не се во лоша состојба, набавете фолија за стакло која ќе ви помогне во зачувување на топлината во просторијата.

По користењето на рерната, можете да ја оставите вратата од шпоретот отворена со што ќе допринесете просторијата да се загрее уште малку.

Доколку имате вентилација на плафонот, исто така можете да ја вклучувате од време на време за топлиот воздух да се распореди рамномерно низ целата просторија.

Покрај рутинските подготовки за студените месеци, ова се само неколку совети кои би можеле дополнително да ви помогнат.  Доколку сеуште не сте сигурни дека го имате вистинскиот начин на затоплување во вашиот дом, нашата палета на производи за греење со сигурност ќе ви помогне да се одлучите и да го направите домот попријатно место во претстојниот период.