Фенкојлер е едноставен производ кој успешно ги задоволува потребите за ладење и за греење. Тој е составен од изменувач, вентилатор, дизајнирана пластика и ногарки. Фенкојлерот е систем кој се применува во стамбени, комерцијални и индустриски објекти. Фенкојлерот за да може да функционира мора да биде поврзан на систем за довод и одвод на топла и ладна вода преку која се добива потребната температура. Кога е во режимот на ладење има потреба од ладна вода која е потребна за оптимално ладење на просторот т.с. температурата на водата не смее да биде повисока од 7 степени.
Вклучувањето и исклучувањето на фенкојлерот е многу едноставно, односно се регулира со помош на термостат. Поради неговата едноставност фенкојлерот е многу поекономичен за разлика од каналските или пак централните системи за греење со клима комори. Тоа е така бидејќи при постигнувањето на оптимална температура за греење во домот потребна е влезна температура на водата од само 50 степени.
Фенкојлерите се многу флексибилни за монтирање бидејќи имаат повеќе опции за поставување во објектите. Тие можат да бидат поставени на ногарки на некој ѕид, имаат можност да се штрафат на ѕидовите, како и можност за поставување на таванот со висечки држачи. Инсталацијата може да се состои од челични или бакарни цевки, за довод или одвод на потребното количество вода за нормално функционирање на фенкојлерот. Тие цевки се поставуваат под подот или пак се поставуваат по ѕидовите и во зависност од намената треба да има најчесто 2 цевки.
Работата на фенкојлерите е заснована на специфично изработениот вентилатор, кој преку изменувачот на воздух и со помош на вградениот термостат ја добива посакуваната температура на воздухот која се испушта во просторијата. При работата на фенкојлерот се создава кондензација која се собира во кадичка и се исфрла надвор слично како кај клима уредите.
Причината поради која е зголемена продажбата на фенкојлерите е поради подобрата енергетска ефикасност во однос на другите системи кои се користат во пракса. Со користење на фенкојлерот во објектите при постигнување на потребната температура се заштедува и до 50% електрична енергија. Во суштина фенкојлерот претставува еден нов и модерен изум кој има функција на греење и ладење, кој Ви ослободува многу повеќе простор во Вашите домови наместо трупањето на посебни уреди за топлење и посебно за ладење.
Доколку се одлучите да наместите фенкојлери кој ќе ја регулира температурата на воздухот во Вашите домови или пак објекти, загарантирано ќе имате помала потрошувачка на енергија и поголема удобност.
Почитувани,
Производов многу ми се допаѓа,не го нагрдува надворешниот изглед на куќата.
Сватив како функционира ,но во летните периоди незнам како би овозможиле влез на вода од водоводните цевки не повисока од 7 степени и како лади тогаш,мене ми е за ладење. И колкава е цената се што е ново кај нас доаѓа скапо.
Се надевам ќе ми одговорите.
Поздрав и убав ден.
Почитувани,
Фенколерот има пријатен изглед и тој се поставува внатре во куќата, а не надвор. За да може да биде ставен во функција треба да се направи цела изведба со монтажа која не е нималце едноставна. Во летниот период за да може водата да има 7 степени се монтира посебен разладен уред така наречен чилер, кој треба да ја одржува потребната температура на водата која ќе протекува до фенкојлерот. Цените за фенкојлерите ги имате на нашата веб страница кои се без монтажа и без дополнителната опрема како што е на пример чилерот итн.
Со Почит,
Термо Систем
Почитувани,
Во мојот стан кој сеуште е во изградба е предвидено да се грееме со фенкојлери кој ќе бидат приклучени на топлификација,што автоматски значи дека ќе бидат само за затоплување (за ладење нема да има можност), моето прашање до Вас е дали е подобро да го оставам фенкојлерот или да идам на варијанта радијатори.
Благодарам
Почитувани,
Доколку не планирате да ги користите фенкојлерите за ладење не гледаме причина зошто да ги поставувате, сосема доволно ќе ви биде да поставите радијатори.
Со Почит,
Термо Систем
Ви Благодарам за брзиот и професионален одговор кој навистина ми влијаеше на одлуката што да инсралирам во мојот стан,дефинитивно ке одам со радијатори… Ви посакувам многу успех во иднина .
Ве молам за помош при донесување на животната одлука:-) Станот ни е во изградба и е предвидено да се грееме со фенкојлери со поединецна единица за секој стан. Бидејки сме со мало дете, Ве молам да ми кажете кој начин на греење е подобар фенкојлерите или радијаторите од здравствен аспект на децата, бидејќи имаше коментари дека фенкојлерите го сушат повеќе воздухот и дека со дувањето можна е активација на бактерии?
Почитувани,
Радијаторското греење е поевтина варијанта и затоа повеќето луѓе го поставуваат во домовите, додека пак за поставување на фенкојлер е потребна посебна специјално направена инсталација која ќе има довод на топла и ладна вода. Ова е потребно бидејќи фенкојлерите покрај тоа што го загреваат просторот истите можат и да ладат, за да може ова да се оствари ви е потребено поставуавње на топлинска пумпа или цилер што е многу скапа инвестиција. Инаку поставувањето на фенкојлери е дефинитивно поквалитетно решение за греење и ладење одколку само радијатори.
Со Почит,
Термо Систем
А дали постојат фенкојлери кои нема да работат на вода, туку само на фреон како обичните клима уреди?
Почитувани,
Фенкојлерите имаат посебен принцип на работа и на таков функционираат, значи мора да имаат инсталација за довод на топла и ладна вода која претходно треба да биде доставена од некаков си извор на енергија. Инаку доколку би функционирал на фреон во тој случај не би се викале фенкојлери туку би биле стоечки клима уреди или нешто слично кое ќе работи на принцип како клима уредот.
Со Почит,
Термо Систем