Денес ќе зборуваме за Собен термостат, на кој можеби не обрнуваме доволно внимание, кога внимателно го избираме уредот за ладење и греење на нашиот дом. Собниот термостат е дизајниран да ви донесе удобност и заштеда на енергија, елиминирајќи ја честата потреба од мануелно ракување и подесување на саканите температури и бараните позиции.

Собните термостати можат да бидат жични или безжични, мерејќи ја температурата на воздухот во просторијата и постигнувајќи ја програмираната и бараната температура. Кога избираме да користиме безжичен термостат, мора претходно да ги обезбедиме потребните услови за да ги намалиме оние пречки во приемот и преносот на сигналот, кој знае да се случи кога во просторијата има повеќе електрични уреди. Постојат механички и дигитални собни термостати, кои се разликуваат од начинот на кој температурaтa е снимена во термостатот.

Механичкиот термостат едноставно кажано, работи како и нормалните термометри, базирани на жива. Може да задржи температури кои се често 1°C повисоки од сетираните, ненамерно да користи до 10% повеќе енергија и побавно реагира на температурни промени.

Дигиталните термостати работат со користење на термистор кој конвертира пратени информации, во точни дигитални читања.

Најнов производ на пазарот е  wi-fi  термостат кој се користи преку екранот на допир или со користење на апликацијата на Вашиот Smart Phone овозможува интуитивна контрола на основните параметри како што е вклучување и исклучување на системот за  греење, подесување на  собната температура, избор на режими на работа,  на било која одалеченост од објектот, во секое време..

Во период на дигитализација, механичките термостати полека го губат своето место на пазарот. Тоа се должи и на честите неточни читања и бавни одговори. Со самата можност на програмирање на различни нивоа на удобност во текот на денот, не само што овозможува целосна контрола на потребите на вашиот систем на греење, тоа е и одличен начин за подобрување на енергетската ефикасност.