Се ближи летото, а вие веќе размислувате како ефикасно да се разладите? Сигурно сте размислувале за купување на клима уред, но секогаш сте растргнати помеѓу преголемиот избор и недостатокот на информации. Во продолжение ви нудиме краток водич, кој се надеваме ќе ви биде од корист при изборот на соодветен клима уред за вашиот дом.

Клима уредите постојат повеќе од 50 години и иако навидум изгледот им се менуваше низ годините, тие станаа ценовно поприфатливи и попопуларни во последните години и воедно станаа дел од скоро секој дом.

Ние накратко ќе ви одговориме на неколку најчесто поставувани прашања за клима уредите.

Како функционира еден клима уред?

Клима уредите го разладуваат воздухот користејќи интересен закон на физиката наречен „фазна конверзија„ кој вели: “Кога течноста се конвертира во гас, таа апсорбира топлина.” Клима уредите користат фазна конверзија така што специјалните хемиски соединенија – фреони испаруваат и се кондензираат одново во затворениот систем. Кога топлиот воздух кружи преку ладниот, овие соединенија апсорбираат топлина додека преминуваат од течност во гас. За ладењето да биде ефикасно, клима уредот повторно ги враќа овие соединенија во течна состојба користејќи притисок. Во овој процес се ослободува топлина која излегува надор, гасот се лади и се враќа во течна состојба и потоа целиот процес се повторува. Многу интересно и едноставно нели?

Сите модерни клима уреди се со сплит систем, а тоа значи дека се составени од два посебни дела: внатрешни и надворешни единици. Двете единици имаат функција на испарувачи и кондензатори, односно кога сакаме да ја оладиме просторијата внатрешната единица има функцја на испарувач, додека кога ја загреваме просторијата надворешната единица ја превзема таа функција.

Која е намената на кима уредите?

Основни намени на клима уредите се:

• Ладење
• Греење
• Прочистување на воздухот (од чад, прашина и други нечистотии)
• Одвлажнување на воздухот ( одржување одредена влажност на воздухот)
• Вентилација

 Што влијае на изборот на клима уред?

Основните параметри кои би требало да влијаат на изборот на клима уред се:

• Големината на просторијата – е основен параметар. Доколку е голема просторијата потребен е клима уред со поголем капацитет.
• Топлинска изолација
• Површината која ја зафаќаа прозорците
• Бројот на сончеви денови во текот на годината – Избегнувајте поставување на клима уред директно на сонце.
• Енегетска класа

Како да одберете соодветен капацитет на клима?

Капацитетот на климата се мери во-btu ( Британска термална единица). 1 btu= 1055 џули.

За полесен избор ви нудиме неколку практични примери:

• просторија од 20-30 m²- клима со капацитет од 9000 btu
• просторија од 30-45 m²- клима со капацитет 12000 btu
• просторија од 45-70 m²- клима со капацитет од 18000 btu
• просторија од 70-90 m²- клима со капацитет од 24000 btu

Што е инвертер клима уред?

Кај класичните клима уреди воздухот се испушта со полна снага и тие поседуваат само две состојби- исклучена и уклучена. Напредните инвертер клима уреди поседуваат контрола на брзините на обртаите на моторот на компресорот поради регулација на протокот на фреоните низ системот. Кога ќе се достигне сакана температура, притисокот во системот се намалува. Што значи дека инвертер клима уредите ги прилагодуваат обртаите и не мора да го исклучите клима уредот за да престане со работа, туку самиот ќе се исклучи и активира кога ќе биде потребно.

Инвертер клима уредите имаат помала потрошувачка поради оптималниот проток на воздух, што придонесува до помали трошоци кај сметките за струја, подолг век на траење и поефикасно работење за време на зимските денови.

Не мора да бидете професионалци за успешно да го загреете или разладите вашиот дом. Се надеваме дека со овој краток водич во светот на климите ви помогнавме во изборот на клима уред.