Греењето и ладењето со инвертер клима уредите после постојаното поскапување на електричната енергија, а особено со укинувањето на ефтината струја за домаќинствата, има предност во однос на останатите начини за загревање на струја. Многумина тврдат дека инвертер климите станале најсериозни решенија за греење на струја. Поточно речено употребата на клима уред инвертер, можеби е и единствена опција која е исплатлива за греење на струја. За целосен одговор на оваа констатација сепак е потребно поопширна анализа, како што се потребната инвестиција, можноста за затоплување на целата зима и секако очекувана потрошувачка на струја.

Избор на инвертер клима уред

Потребната инвестиција за греење и ладење со инвертер клима уред се сведува на купување и монтажа на клима уредот. Како и секоја друга набавка и во овој случај треба да се обрне внимание на односот цена и квалитет. Почетната голема инвестиција во купување на инвертер клима освен побројните можности ќе добиете и повеќе опции при самото користење, исто така ќе обезбедите и помала потрошувачка на електрична енергија. Клима уредите со енергетска класа “A”, како и сите електрични уреди, можат да постигнат значајни заштеди во потрошувачката на електричната енергија. Секое вложување во нова и подобра инвертер клима се исплати со подоцнежните ниски сметки за струја кои ќе треба да ги плаќате. Освен ова, по правило треба да одбирате уреди кои имаат обезбеден сервис, резервни делови, со други зборови произведувачи кои имаат долга традиција во продажба и работа со инвертер технологија.

Мора ли да биде инвертер технологија?

Греењето со инвертер клима уредите за малите станови е многу добар начин на греење. Нормално прашањето кое се поставува, дали и со обична клима ќе може да се загрее просторот и на минусни температури. По различни форуми може да се чујат различни варијанти и искуства од корисниците кои тврдат различни работи, некои тврдат дека и со обични клима уреди може да се греете и на -10 степени дури и на повеќе, други тврдат дека не треба да се гаси клима уредот, па тој тешко дека би замрзнал и сл.

Нашето искуство не е такво, така што и да работи на ниски температури, ефикасноста на обичните клими би била премногу мала, речиси никаква. Односот на потрошена струја и добиена топлина би биле такви што ќе биде доведена во прашање исплатливоста на користењето. Многу ниските температури ја доведуваат во прашање и економичноста на инвертер клима уредите, а каде ли би биле овде обичните клима уреди. Главната карактеристика на греењето со клима е тоа да со нивна помош потрошениот KWh струја,  може да оддаде 2-4 Kw топлина во просторот. Сите уреди кои работат на струја можат да оддадат топлина колку што ке потрошат струја 1 KWh за 1 Kw. Инвертер клима уредите, благодарение на работата на моторот на принцип на кои работат топлинските пумпи, овозможува голема ефикасност и повеќе топлина во однос на потрошената струја.

Затоа греењето со инвертер клима уред е сосема поинаква и поудобна приказна за греење. Инвертер технологијата е направена така да работата на компресорот се прилагодува на постигнатата температура. Во почетокот работи со полн капацитет. Подоцна како се приближува до бараната температура, потрошувачката и бројот на вртежи се намалуваат, па така се постигнува значајна заштеда во однос на класичните клима уреди кои цело време додека греат и работат со полн капацитет. Од овде може да заклучиме дека инвертер клима уредот не дава големо отстапување од зададената температура и на тој начин заштедува.