Во предходниот пост пишувавме за филтрите кои се наоѓаат во клима уредот. Сега ќе зборуваме за климатизер кој во глобала е поскап од обичниот клима уред, што во себе содржи јонизатор преку кој чувството на пријатност е зголемено во вашиот дом.
Ние луѓето, ретко кога имаме можност да го почуствуваме присуството, на електричниот потенцијал во воздухот. Можеби најдобриот пример за тоа е чувството кое го имаме по големо невреме, кое е проследено со грмежи. Чувството кога го имаме тогаш, не е предизвикано од тоа што опасноста од невремето и грмежите поминала, туку затоа што невремето има оставено голема концентрација на негативни електрони во воздухот, т.е воздухот се јонизирал.
Во нашата атмосфера константно се присутни позитивни и негатвни јони, а нивниот идеален соодност (за човекот) е 5:4. Тој однос често пати е нарушен и тоа во корист на позитивните јони, кои негативно влијаат на луѓето. Присуството на позитивните јони во воздухот најубаво може да се почуствува, кога се приближува невреме.Тогаш нивното присуство во воздухот е зголемено за неколку пати, што кај луѓето предизвикува нерасположеност, замор и главоболка. Тие исто така доминират и во затворени простории, канцеларии, станови, особено доколку се наоѓате во згради изградени од армиран бетон (ефект на Фарадеев кафез).
Влијанието на негативните јони во потполност е различно од влијанието на позитивните. Тие не е само тоа што позитивно делуваат на луѓето туку се и неопходни, даваат животна ефикасност. Човечкиот организам ги превзема негативните јони преку кожата и респираторниот систем. Тие имаат позитивно влијание на воспоставувањето на рамнотежата во организмот при размената на материите. Освен овие позитивни импликации кои ги имаат позитивните јони за човечкиот организам, тие имаат тенденција да се врзуваат и за прашина, дим, водени капки, аеросоли, бактери и вируси. Поради нивната тежина која ќе ја добијат кога ќе се врзат, тие паѓаат на земја и неможат да лебдат, при што неможе да дојде и до нивно вдишување.
Јоните во природата брзо се создаваат и брзо исчезнуваат, а нивниот број варира од зависност од метеоролошките услови, влагата и загаденоста на воздухот. Свеќата на пример е многу силен јонизатор, па токму поради тоа е познато дека свеќата го впива димот од цигарите, но всушност таа го јонизира.
Атмосферата во вашиот дом или работна просторија можете вештачки да ја јонизирате со помош на различни јонизатори или пак доколку купите клима уред со вграден јонизатор. Предностите на климатизерот со јонизатор е во тоа што освен тоа што лади и ја грее просторијата, тој исто така го филтрира воздухот и го јонизира, кој потоа се врзува со штетните честички.
Од горе напишаново можеме да заклучиме дека клима уредот не е само средство кое ќе лади или загрева, туку ни го прочистува воздухот и го прави нашиот дом многу попријатно и поздраво место за живеење.
Приказната за јонизатори во клима уредите е многу добра гледано од маркетиншка гледна точка, гледано ос стручна гледна точка малку е дискутабилна. примарна цел на вградување на јонизатори во клима уредите е условно речено “стерилизација“ на клима уредот, поточно делот каде што се собира кондензатот- водата и каде е можна појава на бактерии од типот на Легионела или некои други несакано загадувачи.
Нормално некој после се досетил тоа убаво да го спакува како добра референца за продаванје на клима уредите. Од мое лично искуство како некој кој произведувал и продавал јонизатори можам слободно да кажам дека огромен број на луѓе воопшто и не знаат што е јонизатор, од друга страна како некој кој со години се занимава со термо-техника тврдам дека уште поголем број на луѓе кои имаат купено клима со јонизатор немаат баш никакво знаење за примената на јонизатор во клима уредите. Едноставно имаат чуено дека е добро и дека е хит да се има клима со јонизатор, производителите на клима уреди познавајќи го овој податок многу добро ја искористуваат таквата ситуација и вршат манипулација со потрошувачите.
Да резимирам, јонизаторот кој се вградува во клима уредите примарно е наменет за “чистење“ на клима уредот и има многу мало ефективно дејство на воздухот во просторијата во која е поставен.
Почитувани,
Благодариме на искрениот коментар.