Како што и напоменавме во претходниот пост каде говоревме за прашањата поврзани со подното греење, денес продолжуваме со разгледување на уште некои прашања и размислувања околу ефикасноста и инвестирањето во подно греење.

Максималната температура на подното греење според пропишаните правила и норми е ограничена на 29°C, температура која е пропишана заради здравствени причини.

Како една голема предност на подното греење е и слободниот простор кој го дозволува овој тип на греење, ни дава слобода за движење, уредување. Од поставеното подно греење никој не може да се удри, никому тоа не му смета, ниту естетски, ниту физички.

Трошоците на инвеститорите во системот за подно греење не се поголеми од оние кои би требале за поставување на радијатори како грејни тела. За тоа сведочат многуте направени споредби во пракса. Единствената разслика е во тоа што  инсталатерот треба да се снадби со целиот составен дел на материјали за подно греење во кои спаѓаат стиропорот, цревото за подно греење, адитив за подно, прекривка и сите оние дополнителни фитинзи кои се потребни. Ниските погонски трошоци се постигнуваат и со пониските температури на системот. Со оглед на тоа дека подот претставува еден вид на “голем радијатор”, доволни се пониски температури за да почуствуваме удобност и комфор, за разлика од малите грејни тела. Температурата во просторијата може да се постави 2 степени пониско и со тоа се заштедува 12% енергија и пари. Со можноста да се користат топлински пумпи, во летните денови подното греење може да се користи и за разладување на просторот. Сето ова обезбедува удобност во текот на четирите годишни времиња.

Квалитетот на подното греење многу зависи од соодветниот избор на опрема за поставување на истото, како и начинот на поставување. Доколку сакаме да добиме најголема ефикасност со поставеното подно греење, мора да се погрижиме за квалитетна монтажа и добра изведба на сета звучна и топлинска изолација. Навистина е многу важно да се направи добра подготовка, да се земат во предвид сите барања од клиентот и да се изработи комплетен проект за изведба. Порано како потенцијален проблем се јавувало затнувањето на цевките за подно греење. Денес сме ослободени од тој проблем, благодарение на специјализираните полиетиленски црева за подно со антиоксигенска бариера.

Во минатото често се зборувало за лоша регулација на подното греење. Многу е важно да се знае вистинскиот ефект на саморегулација. Ако на пример со една соба имаме температура од 20°C и температура на површината на подното греење од 24°C,на располагање практично постои околу 40W/m2. Доколку дојде до зголемување на температурата во просторијата (зради сончеви зраци, поголем број на луѓе, топлина од каминот и сл.) на 22°C, моќта на подното греење се намалува на 20W/m2. Во таа ситуација се оддава 50% помалку енергија, без било каква интервенција на корисникот.