Зголемување на енергетската ефикасност во вашиот дом

Оваа грејна сезона ни започна со зголемена цена како на електричната така и на топлинската енергија. Покрај овие зголемувања, нѝ се заканува и зголемена цена на гасот исто така и на горивото. Производителите и дистрибутерите на енергија велат дека ова ценовно зголемување е оправдано, а потрошувачите, па и државата во случај на гасот велат дека ова поскапување е неоправдано. Но, она што сите мора да го знаат е дека цената на електричната енергија и понатаму ќе расте. Исто така, цената на други енергенси (нафта, гас, дрво, брикети, пелети…) ќе имаат (поточно имаат) тенденција на раст. Ова е факт и сите мораме да бидеме свесни за ова. Владата прави некои дополнителни напори за да се намали овој енергетски шок и да се ублажи малку со тоа што ја намалија цената на огревниот материјал, но сепак тоа е само привремено, во иднина пак ќе се зголеми.

Ние како граѓани немаме голема сила да ги намалиме или замрзнеме цените на енергијата, но можеме да се прилагодиме, поточно да бидеме енергетски ефикасни. Како што сите веќе знаеме, енергетски ефикасни значи да ја намалиме потрошувачката на енергијата, но без да го намалиме нашиот стандард/комфор на живеење.

Според некои домашни истражувања 35-45% од енергијата се троши на загревање и ладење на просторот за живеење. 25 -35% од потрошената електрична енергија ја конзумираат апаратите за домаќинство. Телевизорот и компјутерот имаат потрошувачка од 10-20% на електрична енергија. Загревањето на водата за санитарни потреби во домот се движи од 5-20%. На осветлувањето на домот пак приближно се троши од 8-12% од електричната енергија.

Кога би го изолирале нашиот дом и би поставиле подобри прозорци потрошувашката на енергија за ладење и греење би се намалила за многу. Со купување на апарати за домаќинство со голема енергетска ефикасност, нивната потрошувачка на енергија се намалува значително. Кога би го исклучувале телевизорот кога излегуваме од просторијата или пак  компјутерот после секоја употреба, исто така ќе ја намалиме потрошената енергија. Ако ги замениме старите светилки со новите лед светилки, потрошувачката на електрична енергија за осветлување би можела да се намали за дури 80%, а доколку пак поставиме квалитетен сончев колектрор, сметката за затоплување на вода ќе ја доведеме прближно до 0 преку целата година.

Доколку сакате да го замените вашиот стар систем загреење и ладење бидејќи, не сте задоволни од стариот или пак сакате да инсталирате соларен колектор, клима – уред и.т.н, подетално би можеле да се запознаете со вашиот потенцијален избор на Технома саемот кој се одржува од 16-20 октомври во Скопје. Таму ќе бидеме и Ние за да ги претставиме најновите производи од оваа област и доколку можеме да помогнеме при вашиот избор.

Затоа да не ја чекаме следната сметка за стуја со страв, туку да започнеме да се приспособуваме кон новите услови за живеење и нашиот дом да го направиме енергетски по ефикасен.

 

Остави коментар

*